Հովհաննիսյան սեմինարներ – Հովհաննիսյան ինստիտուտ

Հովհաննիսյան ինստիտուտի ամենամսյա Հովհաննիսյան սեմինարներ շարքը հրավիրում է տեղացի ու միջազգային մասնագետների` ներկայացնելու իրենց ընթացիկ հետազոտական թեմաներն ու մեթոդական խնդիրները հումանիտար տարբեր գիտակարգերում: Շեշտը հատկապես դրվում է Սփյուռքի գիտնականների հետ համագործակցության վրա: Գիտական հետազոտությունների հանրայնացումը անհրաժեշտ է մի կողմից` քննադակական մասնագիտական կարծիքի շնորհիվ աճող գիտնականի, մյուս կողմից` ունկնդրի կրթության համար: Սեմինարների ծրագիրը` որպես հետազոտությունների հանրայնացման հարթակ կնպաստի նաև հետազոտողների միջև համագործակցությանը և կապերի զարգացմանը, ինչպես նաև կունենա առավել լայն կրթական գործառույթ: Լինելով հանրային և շարունակական՝ բանախոսությունների շարքը կօգնի ձևավորել արվեստի, գրականության, պատմագիտության ու փիլիսոփայության մասին խորհելու, քննադատական մտքի մշակույթ։ Ծրագիրը գալիս է որոշ չափով լրացնելու բուհերում արվեստի, պատմագիտության ու փիլիսոփայության առարկաների դասավանդման թերացումները, որոնք հազվադեպ են առնչվում մի կողմից` տեղային իրականության, իսկ մյուս կողմից` միջազգային արդիական խոսույթների խոր ու քննական ըմբռնման հետ: Ծրագրի նպատակն է նաև ամրապնդել սերունդների միջև կապերն ու արծարծել գիտական սերնդափոխության խնդիրները:

2021 թվականից ծրագիրը իրականացվում է Գալուստ Կիւլպէնկեան Հիմնարկութեան ֆինանսական օժանդակությամբ։

Բանախոսություններ՝

Սիրանուշ Դվոյան, «Աշխատանքը` հնարամտություն և կեղծակերպում»
Ապրիլի 13, 2023